Kamioni del nga rruga në Gjirokastër, plagoset rëndë shoferi

Një aksident ka ndodhur pasditen e kësaj të enjte, në fshatin Shtëpëz, në Gjirokastër. Mësohet se një mjet, tip kamion ka dalë nga rruga dhe për pasojë është dëmtuar shoferi 50-vjeçar F.H, i cili ndodhet në spital ku po merr trajtim mjekësor.
“Sot, rreth orës 14:30, në rrugën rurale mbi fshatin Shtëpëz, Gjirokastër, automjeti tip kamion, me drejtues shtetasin F. H., 50 vjeç, banues në Mamurras, ka dalë nga rruga. Për pasojë është dëmtuar drejtuesi i mjetit, i cili po transportohet për në spital, për të marrë ndihmën mjekësore.”-njofton policia.