Kamioni doli nga rruga, shkon në 6 numri i viktimave në Roterdam

Një aksident i rëndë ka ndodhur ditën e djeshme në Rotterdam, ku një kamion i cili himbi kontrollin ka përplasur për vdekje disa persona.

Ndërkaq bëhet e ditur se sot numri i viktimave ka shkuar në 6 ndërkaq numri i të plagosurve në shtatë.

“Tani kemi gjashtë persona të vrarë dhe shtatë të plagosur, njëri në gjendje të rëndë, pas aksidentit të djeshëm”, tha zëdhënësja e policisë Miriam Boers.

“Ne ende po hetojmë saktësisht se çfarë ka ndodhur”, shtoi ajo.

Shoferi 46-vjeçar i kamionit me targa spanjolle nuk ka pësuar lëndime. Ai është arrestuar në vend dhe është dërguar në komisariat.

Boers sqaroi se shoferi nuk ishte nën ndikimin e alkoolit. Policia ka apeluar që dëshmitarët të ndihmojnë në hetimin e tyre.

Një zëdhënës i punëdhënësit të shoferit, kompania spanjolle e transportit El Mosca, i tha gazetës spanjolle La Verdad se kamioni u përmbys për të shmangur një përplasje me një furgon.

Policia nuk e konfirmoi raportin, por tha se po merrte në pyetje shoferin e një furgoni të bardhë si dëshmitar.