Gjatë natës së kaluar është regjistruar një aksident i pazakontë pak metra larg gardhit të aeroportit. Mendohet se një kamion i tonazhit të lartë ka kapur telat e linjës elektrike, duke këputur kështu tre shtylla dhe duke rrezikuar jetën e kalimtarëve që po kalonin në këtë rrugë.
Autori, i cili dyshohet të jetë punëtor i ndonjë firme private që operon në zonë, ose i firmave që po kryejnë punime në aeroport, është larguar nga vendngjarja, duke lënë pas tre shtylla të këputura dhe kabujt elektrikë shpërndarë nëpër tokë.
Policia ka mbërritur në vendngjarje dhe po shqyrton kamerat e sigurisë të bizneseve përreth për të zbardhur ngjarjen.
Fatmirësisht, nuk ka pasur të lënduar, por shumicës së bizneseve përreth u është ndërprerë furnizimi me energji elektrike.
Discussion about this post