Kamioni përplas makinën në aksin Durrës-Tiranë, plagosen dy persona

Aksidenti i radhës këtë paradite është shënuar në aksin rrugor Durrës-Tiranë. Burime nga policia për gijotina.com bëjnë me dije se në vendin Rromanat, mjeti tip kamion me drejtues G. M., është përplasur me mjetin tip “Nisan” me drejtues F. B.,

Si pasojë e përplasjes është dëmtuar drejtuesja e mjetit F. B., dhe pasagjeri Xh. B., të cilët ndodhen nën kujdesin e mjekëve, jashtë rrezikut për jetën.

Grupi hetimor ndodhet në vendngjarje dhe po punon për sqarimin e rrethanave të aksidentit.

Theksojmë se ky është aksidenti i tretë i shënuar mëngjesin e sotëm në vend, ku të plagosur kanë mbetur 5 persona.