Një ngjarje e rëndë ka ndodhur në rajonin verior të Shinyanga të Tanzanisë, ku si pasojë e një aksidenti humbën jetën 5 persona dhe mbetën 54 persona të tjerë të plagosur pas një përplasje midis një autobusi dhe një kamioni në rajonin verior të Shinyanga të Tanzanisë, sipas raportimit të policisë.
Leonard Nyandahu, komandanti i policisë rajonale të Shinyanga, tha se përplasja ndodhi në orën 2 të mëngjesit me kohën lokale kur autobusi që po shkonte drejt kryeqytetit tregtar Dar es Salaam nga rajoni Mëanza në brigjet e liqenit Victoria u përplas me kamionin.
Nyandahu tha në një konferencë shtypi se kamioni po transportonte sardelet nga rajoni Mëanza në Dar es Salaam.
Ai tha se hetimet paraprake kanë treguar se drejtuesi i autobusit ka qenë me shpejtësi të madhe dhe ka injoruar kërkesat e pasagjerëve të cilët i kanë kërkuar të ngadalësojë shpejtësinë.
Luzila John, oficerja mjekësore rajonale e Shinyanga, tha se 54 pasagjerët e plagosur po merrnin trajtim dhe i përshkroi kushtet e tyre si të qëndrueshme.
Discussion about this post