Kamioni përplaset me makinën, ndërron jetë një person

Një person ka ndërruar jetë ë një aksident trafiku, që ka ndodhur paraditen e sotme në fshatin Bishtazhin të Gjakovës.

Lajmin e ka konfirmuar zëdhënësi i Policisë së Kosovës për rajonin e Gjakovës, Sheremet Elezi.

Sipas tij, aksidenti ka ndodhur mes një veture dhe një kamioni.

“Rreth orës 10:40 është raportuar  aksident trafiku në fshatin Bishtazhin (rruga Gjakovë-Prizren). Policia ka dalë  në vendin e ngjarjes ku të përfshirë në aksident kanë qenë një kamion dhe një veturë. Për pasojë një person, mashkull i moshës madhore, ka humbur jetën (ekipi mjekësor në vendin e ngjarjes ka konstatuar vdekjen e tij)”, ka thënë Elezi.

Ai po ashtu tha se rasti është duke u trajtuar nga njësia rajonale e komunikacionit rrugor.