Kryeministri Edi Rama, ka reaguar pas aludimeve të mediave të huaja, lidhur me marrëveshjet e fshehta të ministrave britanik me qeverinë shqiptare, ku dakortësohen në krijimin e një azili politik për emigrantët në Shqipëri.
Rama është shprehur se Shqipëria nuk do të krijojë kampe emigrantësh.
Shqipëria nuk do të jetë kurrë një vend ku do të krijojmë kampe emigrantësh.’- tha Rama.
Ministrja e Jashtme Olta Xhaçka, ka reaguar gjithashtu, duke përgenjeshtruar lajmin, të cilin e konsideron si të rremë.
‘I njëjti lajm i rremë, i vjetër, këtë herë në faqen e parë të një gazete të respektuar si The Times! Dhe meqë ra fjala unë nuk jam një “ai” por një “ajo” që gjithmonë e ka admiruar cilësinë e mediave britanike. E trishtë!’- shkruan Xhaçka.
Marrëveshja e fshehtë mes ministrave britanikë dhe Shqipërisë është kthyer sërish në qendër të vëmendjes nga mediat e huaja.Sipas kësaj marrëveshje emigrantët që tentojnë të shkojnë në Britani, do të akomodohen në një qendër zili në Tiranë, duke e kthyer kështu Shqipërinë në vatër emigrantësh.
“Bisedimet diskrete me qeverinë në Tiranë për ngritjen e një qendre azili janë duke u zhvilluar. Pas një sërë zhgënjimesh në bisedimet me vendet e tjera për të pritur emigrantët, shpresat e kabinetit për një marrëveshje me Shqipërinë po rriten.
Raportet e mëparshme të planeve për qendrat e përpunimit në det të hapur, duke përfshirë përdorimin e platformave të papërdorura të naftës në Detin e Veriut të cilat u diskutuan vitin e kaluar përfundimisht rezultuan të pafrytshme. “, shkruhet në artikull.
Ndonëse ky bashkëbisedim sekret për marrjen e këtij vendimi është përgenjeshtruar nga ministrja e jashtme shqiptare Olta Xhaçka, gjasat e nënshkrimit të marrëveshjes janë të mëdha, sipas mediave të huaja.
“Por gjasat për të nënshkruar një marrëveshje me Tiranën tani ‘dukeshin mirë’, tha një burim i qeverisë së Mbretërisë së Bashkuar, pavarësisht se ministrja e jashtme shqiptare Olta Xhaçka e përgënjeshtroi idenë vetëm muajin e kaluar. Zhvillimi i fundit në krizën e emigrantëve vjen pasi Sekretarja e Brendshme Priti Patel u zotua në fillim të kësaj jave të ndalonte ‘100 për qind’ të kalimeve të Kanalit nga Franca.”
Discussion about this post