Grupimi i Lulzim Bashës kërkon interpelancë me Kryeministrin Edi Rama lidhur me marrëveshjen e firmosur mes tij dhe kryeministres italiane, Giorgia Meloni, për ngritjen e një kampi refugjatësh në Shëngjin.
Kreshnik Çollaku, deputetë demokrat, i pozicionuar në krah të Lulzim Bashës, ka depozituar në Kuvend një kërkesë për interpelancë me Edi Ramën.
“Në këtë kërkesë, PD kërkon që qeveria shqiptare të japë sqarime lidhur me këtë marrëveshje pasi nuk ka asnjë transparencë nga pala shqiptare, ndërsa pala italiane i ka bërë jehonë këtij pakti me qeverinë tonë. Marrëveshja u njoftua nga kryeministrja italiane, ndërsa pala shqiptare deri tani asnjë njoftim.
Kryeministrja Meloni shpjegoi se është rënë dakord, që të përdoren disa zona të Shqipërisë si vend pritës të refugjatëve, për të bërë të mundur seleksionimin e tyre, në mënyrë që të vendoset nëse ata kanë të drejtë të përfitojnë azil, ose jo.
Sipas medias italiane, kjo bazë pritëse, mësohet se do të jetë Shëngjini, ku përgjatë një viti mund të mbërrijnë deri në 36 mijë emigrantë, siç edhe ka deklaruar kryeministrja italiane”, thuhet në kërkesën e PD.
Discussion about this post