Kryeministri Edi Rama ka deklaruar se marrëveshjen me Giorgia Melonin, që në Shqipëri të ndërtohen dy qendra, një pritëse dhe një akomoduese për refugjatët që kapen në brigjet italiane, nuk e ka bërë për të marrë në këmbim integrimin në BE.
Kryeministri shqiptar u pyet nga TV italian, Rai, nëse në këmbim të kësaj, është një anëtarësim më i shpejtë në BE.
“Nuk e kemi bërë këtë se Italia do na hapë negociatat. Është qesharake. Ne i kemi hapur negociatat dhe hyrja në BE nuk ndodh kështu.
Nuk është se Italia thotë merrni 3 mijë emigrantë dhe ne ju fusim në BE. Në çfarë bote jetojmë, duhet të jemi më seriozë kur diskutohen këto çështje.
Kjo cështje është shumë e komplikuar për mua, nuk gjej ndonjë përgjigje për fluksin e emigrantëve që vijnë nga deti në Itali e duan të futen në BE, askush se ka gjetur zgjidhjen, ska asnjë tryezë si ta zgjidhim këtë”, tha Rama.
Ai drejtoi gishtin e përgjegjësisë tek vende të mëdha të Unionit, të cilat po përdorin sipas tij, politika diskriminuese për emigratët.
“Më duhet të them se ka vende europiane që janë të mbyllur për emigrantët që vijnë nga vende ku njerëzit kanë një fe tjetër etj..këta vende kanë qenë të paparë për të marrë ukrainas të ikur nga agresoni rus, se janë të bardhë dhe janë kristianë. Ka dhe vende europiane me politikë pa diskrimin për të gjithë pavarësisht ngjyrës e fesë”, theksoi Rama.
Discussion about this post