Eksperti i sigurisë, Ilir Kulla, tha mbrëmjen e sotme në emisionin “Zonë e Lirë” se anëtarët e MEK që ndodhen në kampin e Manzës mbështetjen politike e kanë në Uashington, ndërsa qendrën e tyre e kanë në Francë, pra në BE.
Kulla tha se edhe ato kompjuterat që janë gjendur në kamp nga Franca kanë ardhur. Ai tha se muxhahedinët 20 vite më parë ishin në listën e zezë të SHBA, edhe 10 vite më parë, derisa erdhën në Shqipëri, pas një kërkese të SHBA drejtuar qeverisë Berisha.
Duke analizuar atë që ka ndodhur me zhvillimet globale, Kulla tha se vendi që ndjehet më i kërcënuar nga pasurimi me uranium i Iranit është Izraeli, çka do të thotë se Izraeli është vendi më i interesuar që të ndalet pasurimi me uranium i Iranit. Në këtë kuadër, Kulla tha se javët e ardhshme në Shqipëri do të kemi një vizitë të rëndësishme nga Izraeli në Shqipëri. “Shqipëria ka vijuar marrëdhëniet me Iranin edhe pse u largua trupi diplomatik iranian nga Tirana, mbulohen marrëdhëniet përmes ambasadës së Turqisë, dhe ky vend ka ushtrinë nr 2 të NATO”, tha Kulla.
Ndërkohë eksperti kriminalistik, Ervin Karamuço, tha se edhe vitin e kaluar ka pasur një kontroll në kamp, pork a qenë për lëndë narkotike.
Karamuço tha se policia ka pasur informacione lidhur me serverat dhe kompjuterat, ndërsa personi që u tha se ka vdekur si pasojë e ndërhyrjes së policisë, ka vdekur para operacionit.
“Mjekësia ligjore ka përcaktuar kohën se kur ka vdekur ky person”, tha Karamuço.
Discussion about this post