Kampi i refugjatëve, Meloni vjen në Shqipëri

Kryeministrja e Italisë Georgia Meloni pritet të vizitojë Tiranën javën e ardhshme, më 5 qershor.

Vizita e kryeministres Meloni përkon me Javën italiane të Kulturës në Shqipëri.

Ende nuk janë zbardhur detaje të agjendës së kryeministres Meloni, megjithatë mendohet se vizita lidhet me qendrën e refugjatëve që do të ndërtohet në Shqipëri nga Italia.

Marrëveshjes mes Shqipërisë dhe Italisë për emigrantët u firmos në Romë më 6 nëntor 2023 nga kryeministri Edi Rama dhe kryeministrja italiane Giorgia Meloni, ndërsa u ratifikua në parlamentin e të dy vendeve. Marrëveshja ka një afat 5 vjeçar, ku emigrantët që tentojnë të hyjnë në Itali do të sillen në Shqipëri, ku në Gjadër dhe në Shëngjin të Lezhës do të ngrihen strukturat akomoduese të tyre deri në pritje të miratimit të kërkesë për azil apo dëbimit të tyre në Atdhe.

Marrëveshja ka marrë kritika të shumta si në Shqipëri ashtu dhe në Itali, megjithatë palët kanë avancuar në miratimin e saj në instancat e të dyja vendeve.