Në merkaton e janarit, në Superiore mund të bëhet një nga lëvizjet më të bujshme, sa i përket kampionatit shqiptar.
Sipas raportimeve të fundit, Vllaznia është në bisedime me Shkodran Mustafin, kampionin e botës me Gjermaninë në Botërorin e 2014.
“ShkodraSport” njofton se tanimë drejtuesit e Vllaznisë e kanë kontaktuar lojtarin dhe brenda pak ditësh pritet një përgjigje nga 31-vjeçari me origjinë nga Gostivari.
Prej korrikut të këtij viti, Mustafi nuk është në aktivitet që pas largimit nga Levante në Spanjë. Tanimë pa kontratë, Mustafi mund të firmosë me cilin ekip të dojë.
I dalë nga moshat e Hamburg, ai ka luajtur me Sampdorian, Valencian, Arsenalin, Schalken dhe dhe Levanten. Me kombëtaren A të Gjermanisë ai ka luajtur në 20 takime dhe ka shënuar dy gola.
Nëse presidenti Alban Xhaferi do mund të bindë kampionin e botës të jetë pjesë e Vllaznisë, ky me të vërtetë do ishte një përforcim i rëndësishëm në Shkodër.
Discussion about this post