Janë zhvilluar këtë të shtunë 5 ndeshje të javës së 29 të Kategorisë së Parë ku skuadrat që janë në garë për ngjitjen në Superiore kanë arritur të marrin maksimumin në ndeshjet e tyre.
Kështu Skënderbeu, edhe pse me vuajtje arriti të marrë 3 pikët ndaj Ilirisë të cilën e mundi me rezultatin 1-0 duke ruajtur kreun e klasifikimit me 70 pikë. Fitore shënoi dhe Laçi që në shtëpi mposhti Burrelin me rezultatin 3-1 duke ruajtur diferencën prej 3 pikësh me Skënderbeun kryesues teksa shkon në 67 pikë. Aty pranë qëndron edhe Pogradeci që vijon me serinë e fitoreve pasi këtë radhë shkatërroi Kastriotin me rezultatin e thellë 5-1 dhe ngjitet në 64 pikë
Betejë interesante është edhe ajo për mbijetesën me Kukësin që mori një fitore të çmuar ndaj Apolonisë me rezultatin 2-0 dhe shkon në 27 pikë duke i parakaluar fierakët në klasifikim dhe e sheh veten në vendin e 9 me 27 pikë
Një fitore të çmuar këtë javë mori edhe Lushnja që mposhti Korabin me rezultatin 2-1 dhe shkon në 25 pikë, 1 më pak se Apolonia dhe 2 më pak se Kukësi, ndërsa Korabi mbetet me 32 pikë. Java e 29 e Kategorisë së Parë mbyllet me sfidën Luftëtari-Besa që do të luhet këtë të dielë.
gijotina.com/
Discussion about this post