Diferenca financiare mes elitës së futbollit europian dhe klubeve më të vogla vazhdon të thellohet.
Shifrat e fundit të publikuara nga UEFA tregojnë një kontrast të jashtëzakonshëm mes kampionëve të Europës dhe skuadrave që luftojnë që në fazat kualifikuese.
Sipas fondit të shpërblimeve të UEFA-s, plot 75 klube nga 35 vende të ndryshme, të eliminuara në raundin e parë dhe të dytë kualifikues të Ligës së Konferencës, kanë përfituar së bashku 40.635 milionë euro.
Në krahun tjetër, Paris Saint-Germain, si kampion në fuqi i Europës, ka të garantuara plot 63.970 milionë euro nga UEFA, pa zbritur ende në fushë për asnjë ndeshje europiane këtë sezon.
Shifrat nxjerrin në pah hendekun gjithnjë e më të madh ekonomik në futbollin kontinental, ku klubet më të mëdha përfitojnë të ardhura shumë më të larta sesa dhjetëra skuadra të tjera të marra së bashku.
Ky realitet vazhdon të ushqejë debatin mbi balancën financiare dhe konkurrencën në kompeticionet europiane.
Discussion about this post