Kampionët e Europës interesohen për blerjen e Brojës

Një klub i njohur anglez, ka shfaqur përsëri interes për sulmuesin shqiptar, Armando Broja. Në thelb, kemi të bëjmë me një “fiksim” të tyre për sulmuesin e Kombëtares shqiptare, pavarësisht se ky i fundit nuk ka patur një sezon pozitiv, të karakterizuar nga dëmtimi i rëndë, i pësuar në muajin dhjetor, në përballjen kundër Aston Villa-s

Kampionët e Europa Conference League, West Ham United mund t’i rikthehet interesit për sulmuesin e Chelsea-t, Armando Broja, duke parë se “bomberi” shqiptar por riaftësohet me shpejtësi që pas ndërhyrjes së operacionit në gju.

“Çekanët” ishin shumë të lidhur me sulmuesin 21-vjeçar verën e kaluar, por zgjodhën të transferonin italianin Scamaca, i cili ka shënuar tetë gola në të gjitha garat këtë sezon.

Sulmuesi me origjinë nga Qarku i Shkodrës duket se është drejt rikuperimit të plotë, por mund përballet me një të ardhme të pasigurt te Chelsea nën drejtimin e trajnerit të ri, Maricio Pochettino.