Enis Bardhi është zyrtarisht lojtari më i ri i Trabzonspor. Shqiptari i Maqedonisë së Veriut mbylli aventurën 5-vjeçare me Levanten, që nuk ia doli të mbijetonte në LaLiga.
Tashmë numri 10-të do të jetë pjesë e skuadrës turke, që mban statusin e ekipit kampion dhe do të luajë në grupet e Champions League.
Mesfushori ka zbarkuar në Trabzon dhe ka deklaruar: “Jam shumë i lumtur që jam këtu. Është një nder i madh për mua të jem pjesë e Trabzonspor. Championsi? Ishte diçka që e prisja prej kohësh dhe tani mund të luaj. Jam shumë i lumtur”.
27-vjeçari ka luajtur më parë në Hungari me Ujpest (2014-2017) dhe te Levante kaloi pesë sezone, duke shënuar 24 gola në 162 ndeshje.
Discussion about this post