Një festë e madhe nisi mbrëmë në “Stadio Stirpe”, atje ku Frosinone arriti të sigurojë ngjitjen e drejtpërdrejtë dhe të kthehet në Serie A pas katër sezonesh. Djemtë e kampiontit të botës, Fabio Grosso kurorëzojnë një sezon të dominuar deri në këtë moment. Ata kanë arritur 21 fitore në 35 takime të Serisë B, 54 gola të shënuar dhe 21 të pësuar duke qënë si sulmi, ashtu dhe mbrojtja më e mirë.
Frosinone fitoi në shtëpi kundër Regginas me rezultatin 3-1 dhe ish-mbrojtësi i majtë, ndër të tjera, i Interit e Juventusit, tashmë trajneri i Frosinones, Fabio Grosso, është shprehur tepër i lumtur.
“Jemi të lumtur, shumë të lumtur. Ne e morrëm me shumë pasion një kampionat shumë të vështirë. Kemi bërë një udhëtim të jashtëzakonshëm dhe unë falënderoj të gjithë ata që punojnë me mua, djemtë që kanë qenë të mrekullueshëm, drejtuesit. Këtë ia dedikoj familjes sime dhe miqve të mi. kjo është një ditë shumë e bukur. Pastaj falënderoj presidentin, në këtë javë të vështirë për ne. Ne i bëjmë një dhuratë të vogël dhe them se e meriton. Tani le ta shikojmë këtë periudhë, kemi bërë diçka të madhe.”
Kampioni i botës në vitin 2006 iu kërkua të krahasonte fitoren e tij në Berlin.
“Ka kaluar një kohë e gjatë, edhe ato ishin emocione të pabesueshme. Pastaj kur ndryshon role gjithçka është ndryshe, unë kam punuar me njerëz me cilësi të lartë. Ka përgjegjësi, por më pëlqejnë ata, unë punoj me përkushtim dhe pasion dhe këto kënaqësi ju shtyjnë të bëni më mirë dhe të rriteni. Kemi bërë diçka vërtet të bukur dhe djemtë e mi meritojnë të jenë në qendër të vëmendjes”, është shprehur Fabio Grosso.
Discussion about this post