Klubi turk, Adana Demirspor, zyrtarizoi në orët e vona të së enjtes nënshkrimin e portugezit Nani.
36-vjeçari, i njohur ndërkombëtarisht për përvojën e tij te Manchester United në periudhën 2007-2014 ka firmosur kontratë të vlefshme për një sezon, me opsion rinovimin edhe një vit tjetër.
Kështu Nani është rikthyer në Turqi, ku ka përfaqësuar Fenerbahçen, në sezonin 2015/16, me një rekord prej 47 ndeshjesh dhe 12 golash.
Nani është gjithashtu mes lojtarëve me më shumë ndeshje në kombëtaren e Portugalisë, pasi ka luajtur në 112 ndeshje dhe ka shënuar 24 gola.
Futbollisti i lindur në Kepin e Gjelbër, ka një karrierë shumë të suksesshme, ku mund të bien farë mirë në sy, në palmaresin e tij, medaljet e arta, të fituara në Champions League, në vitin 2008 si dhe UEFA EURO 2016, e fituar me Portugalinë, përballë Francës.
Për sa i përket titujve kombëtarë, Nani, ka fituar gjithçka me klubin e Manchester United, nga Premier League, duke vazhduar me FA Cup, Kupën e Ligës si dhe Community Shield (Superkupa e Anglisë).
Discussion about this post