Christophe Galtier, trajneri aktual i Paris Saint Germain (shumë e rëndësishme fjala “aktual”), është e sigurt që nuk po e bën gjumin e qetë sidomos për faktin se kohët e fundit në gazetat sportive në Francë dhe jashtë saj, gjëja e parë që shkruhet është se stoli i PSG mund t’i besohet “këtij trajneri apo atij trajneri” me emrat që janë bërë të shumtë tashmë.
Përveç Tuchel, Mourinho, Zidane dhe deri një rikthimi të Pochetinos, një tjetër emër i famshëm i futbollit shihet nga mediat si trajner potencial i 10-herë fituesve të Ligue 1.
Fjala është për legjendën e Liverpool, Steven Gerrard, një-herë kampion i Europës me “The Reds”, i cili është pa ekip që pas shkarkimit nga Aston Villa. Pavarësisht se me ekipin nga Birmingami, “Stevie G”, nuk pati sukses, rezultatet e tij në krye të stolit të Rangers në Skoci kanë qënë për tu admiruar. Me “Protestantët” ai fitoi një kampionat skocez, në vitin 2021.
Mbetet për të parë se çfarë do të ndodhë në verë.
Discussion about this post