Policia e Maliqit ka arrestuar një 26 vjeçar, ndërsa ka shpallur në kërkim vëllain e tij, pasi akuzohen për “Armëmbajtje pa leje” dhe “Kultivim i bimëve narkotike” kryer në bashkëpunim.
Sipas njoftimit të policisë, në pranga kanë rënë Romeo Myftarago, banues në fshatin Selcë, Maliq, ndërsa në kërkim u shpall në kërkim vëllai i tij, Daniel Myftarago, banues në Libonik, Maliq, pasi gjatë kontrollit të ushtruar në banesën dhe ambientet përreth saj në pronësi të tyre, u gjetën 1 armë zjarri tip kallashnikov, një sasi me municione luftarake, 2 krëhëra dhe 2 bajoneta arme zjarri, të cilat u sekuestruan në cilësinë e provës materiale.
Gjithashtu, u konstatuan edhe disa fidanë të dyshuar kanabis, të cilat dyshohet të jenë kultivuar nga dy vëllezërit në bashkëpunim me njëri-tjetrin.
Materialet në ngarkim të tyre i kaluan Prokurorisë pranë Gjykatës së Shkallës së Parë Korçë, për veprat penale “Armëmbajtja pa leje” dhe “Kultivimi i bimëve narkotike”, të kryera në bashkëpunim.
