Kanë qenë fluturimet e para të avionit të Guarda di Finanzas italiane ato që kanë konstatuar prezencë bimësh narkotike dhe tendecë për kultivim. Sakaq ditën e sotme Drejtori i përgjithshëm i Policisë së Shtetit Muhamet Rrumbullaku ka mbledhur drejtuesit pas këtij alarmi të ngritur.
Mediat bëjnë me dije se qarku më problematik ka rezultuar Lezha, e cila aktualisht është me drejtor të komanduar Alfred Elezin. Koordinata edhe për zona të tjera janë dhënë nga specialistët e Guarda di Finanzas të cilët prej më shumë se një muaji kanë nisur kontrollin e territorit.
Në takimin ku ishin të pranishëm të gjithë drejtorët e policive në qarqe dhe shefat e komisariateve nga e gjithë Shqipëria, Rrumbullaku ka lënë edhe porosi të tjera për rendin dhe sigurinë publike.
Discussion about this post