Kanadaja ka vendosur sanksione ndaj Aleksandër Lebedev, babai i pronarit të medias në Mbretërinë e Bashkuar, Evgeny Lebedev. Aleksandër Lebedev, një ish-agjent i KGB-së është përfshirë nga Kanadaja në listën e njerëzve që konsiderohen të afërt me regjimin në Rusi.
“Oligarkët rusë, anëtarët e familjes dhe bashkëpunëtorët e tyre të ngushtë, të cilët u sanksionuan për shkak se kanë mundësuar drejtpërdrejt luftën e pakuptimtë të Vladimir Putinit në Ukrainë dhe mbajnë përgjegjësi për dhimbjen dhe vuajtjet e popullit të Ukrainës”, shkruhet në vendimin e qeverisë kanadeze.
Lord Lebedev, pronar i gazetave Independent dhe London Evening Standard është mik i kryeministrit britanik Boris Johnson.
Lebedev ka mohuar se ishte një rrezik sigurie dhe tha se ai është një qytetar krenar britanik ndërkohë nënkryetarja e Partisë Laburiste, Angela Rayner, tha se partia e saj e kishte të qartë se kushdo që kishte lidhje me KGB-në duhet të sanksionohej dhe tha se konservatorët kishin qenë shumë të ngadaltë dhe shumë të butë me sanksionet kundër atyre që kishin lidhje me Putinin.
Rayner tha se kryeministri Johnson po i ndryshonte rregullat për të mbrojtur miqtë e tij dhe tha se ai nuk kishte nxjerrë informacione kritike në lidhje me emërimin e Lebedevit të ri në Dhomën e Lordëve, pavarësisht shqetësimeve nga shërbimet e sigurisë.
Discussion about this post