Liderët e vendeve Evropiane vijojnë tentativat për të bindur Presidentin rus Vladimir Putin që të ndalojë agresionin në Ukrainë. Kësaj radhe ka qenë Kancelari gjerman Olaf Scholz që ka biseduar me presidentin rus, Vladimir Putin në telefon dhe i ka kërkuar atij që të ndalojë menjëherë të gjitha veprimet ushtarake në Ukrainë, tha një zëdhënës i qeverisë gjermane.
Mësohet se Scholz gjithashtu i ka bërë thirrje Putinit që të lejojë aksesin për ndihma humanitare në zonat ku po zhvilloheshin luftime. Gjatë bisedës që ka zgjatur një orë, liderët ranë dakord që së shpejti të zhvillojnë bisedime të mëtejshme.
Rusia vijon agresionin ushtarak në Ukrainë, duke shkaktuar edhe qindra viktima në civilë.
Discussion about this post