Ish deputet Gerti Bogdani, kandidat i primarëve të PD-së për kryeqytetin, tha se nga Tirana do nisë ndryshimi që do vijojë në të gjithë Shqipërinë. Pasi votoi, ai u shpreh për mediat se dita e sotme është shumë e rëndësishme për demokracinë në vend.
“Kjo është ditë e rëndësishme për PD-në dhe jo vetëm. Kjo është ditë e rëndësishme për demokracinë në vend, pasi për herë të parë baza voton për ata që duan të drejtojnë qytetet. Kjo është ditë e rëndësishme për këtë simbolikë. Por ajo që është më e rëndësishme është 14 maji. Pra, demokratët votojnë për kandidatin, për atë që mund të sjellë ndryshimin në Tiranë, për të sjellë më pas ndryshimin në mbarë Shqipërinë. Unë ftoj çdo demokrat dhe simpatizant të vijë dhe të ushtrojë të drejtën e votës për të sjellë ndryshimin në Tiranë dhe më pas në të gjithë Shqipërinë,” tha Bogdani.
Procesi i votimit ka nisur në orën 08:00 të mëngjesit të sotëm dhe do të vijojë deri në orën 18:00. Anëtarësia dhe simpatizantët do të zgjedhin mes disa emrave, ndërsa kandidati me numrin më të madh të votave do të vendoset përballë kandidatëve të PS për 61 bashkitë.
Kandidatët duhet të marrin gjysmën e votave të anëtarëve, pasi sipas rregullores së miratuar nga PD nëse kandidati nuk merr mbi 50% të votave, dy më të votuarit shkojnë në rivotim.
Discussion about this post