Kryetari i Partisë së Lirisë, Ilir Meta, ka folur sot gjatë një interviste televizive për bashkinë Tiranë. Ai tha se kjo bashki ka pësuar një degradim fatal në vitet e qeverisjes nga Partia Socialiste. I pyetur lidhur me mundësinë e kandidimin për bashkinë Tiranë, siç është përfolur kohët e fundit në media, meta nuk e mohoi, ndërsa tha se çdo kandidat i opozitës do të jetë triumfues.
“Secili kandidat i opozitës ka mbështetjen time. Kam një lidhje të fortë me Tiranën ku kam qenë kryeministër. Vendimi për t’ia kthyer parkun Rinia kryeqytetit, Lanën dhe e patë çfarë ndodhi kur ky njëri i pati të gjitha në dorë, që shkatërroi gjithçka që ka lidhje me identitetit tonë”, tha Meta.
Më tutje, ai tha se lidhjen me Tiranën e ka të fortë që kur ishte kryeministër, kur siç tha ka marrë vendime të rëndësishme në të mirë të kryeqytetit.
Discussion about this post