Ndërkohë që gara për kryetar të degëve në Partinë Demokratike vazhdon, disa nga kandidatët janë ankuar për procesin. Vetë Partia Demokratike, bën me dije se ka marrë disa ankesa nga kandidatët që kanë garuar për kryetar dege në PD. Në njoftimin zyrtar të Partisë Demokratike bëhet me dije se çdo ankesë do të shqyrtohet me kujdes nga Komisioni i Organizimit dhe Kontrollit të Operacioneve Elektorale të Partisë Demokratike. Komisioni shprehet se po shqyrton me seriozitet absolut çdo ankesë e do bëjë transparente çdo rezultat.
“Komisioni i Organizimit dhe Kontrollit të Operacioneve Elektorale të Partisë Demokratike. Pranë Komisionit të Organizimit dhe Kontrollit të Operacioneve Elektorale të Partisë Demokratike kanë mbërritur disa ankesa nga kandidatë pjesëmarrës në garë për Kryetar. Komisioni siguron opinionin publik se po shqyrton me seriozitet absolut çdo ankesë e do bëjë transparencë të plotë të të gjithë procesit zgjedhor. Partia Demokratike do të vazhdojë të bëjë transparencë të plotë të çdo hallke në procesin zgjedhor”, thuhet në deklaratë. Ndërkohë sot janë zhvilluar zgjedhjet në 9 degë të PD në vend.
Discussion about this post