Ish-kryeministri Sali Berisha është shprehur se marrëveshja me Partinë e Lirisë nuk i kufizon ata qëq të sjellin kandidatë në procesin e primareve që PD do të zhvillojë. Berisha u shpreh në programin “Open” se praktika e primareve është pranuar nga PL, ndaj asnjë kandidat nuk do të penalizohet.
Berisha: E para është e vërtetë. Partia e Lirisë ka pranuar si praktikën më demokratike, ka pranuar të kontribuojë me primaret. Asnjë kandidat nuk mund të garojë si përfaqësuyes i këtyre dy partive pa kaluar primaret. Ky është një bashkim në dy parime themelore, parimin e primareve të delegimit përfundimtar të vendimmarrjes tek anëtarësia dhe simpatizantët. Parimi i dytë themelor është referendumi që dy forcat tona politike, zotohen të bëjnë gjithçka për t’u rikthyer shqiptarëve të drejtën e vërtetë të referendumit. Ne besojmë se ddemokracia shqiptare ka nevojë jetike për shprehjen direkte të shqiptarëve.
Pyetje: PL do vijë me kandidatët e saj?
Berisha: Janë dhe të tyre, jo vetëm tonat. Partia e Lirisë ka pranuar primaret si praktika demokratike. Kandidatët në këto zgjedhuje mund të jenë nga shoqëria civile, individë pa parti. Unë mirëpres kandidat nga Partia e LIrisë, shoqëria civile.
Ndërsa për këshillat bashkiakë, Berisha tha se kandidatët do të vijnë nga Partia e Lirisë vetëm nëse ata do të jenë përcaktues në zgjedhjet vendore.
Berisha: Kjo është një marrëveshje e ndershme. Nëse kandidatët e tyre për këshill do jenë përcaktues. Nëse janë përcaktues, nuk bën gjë tjetër veçse tregon dakordësi në marrëveshje.
Discussion about this post