Kandidatët për KLGJ dhe KPK, Kuvendi do të miratojë 4 anëtarë nga lista e pedagogëve

Kuvendi do të miratojë 4 anëtarë nga lista e pedagogëve si pjesë e kandidatëve për KLGJ dhe KPK.

Përzgjedhja e anëtarëve të rinj të KLP dhe KLGJ prej trupës pedagogjike ka përfshirë në debat edhe Gjykatën Administrative.

Për shkak se në muajin dhjetor, kandidatit Indrit Shtupi nuk ju krijua mundësia që të paraqiste platformën e tij, togat e zeza kanë vendosur që gjithçka të nisë nga fillimi.

Si pasojë e këtij procesi, në kryesinë e Kuvendit është zhvilluar një seancë dëgjimore me pedagogun e drejtësisë.

“Profesionin e pedagogut, ushtroj dhe profesionin e konsulentit ligjor në disa shoqëri tregtare që ushtrojnë aktivitetin e tyre tregtar në Republikën e Shqipërisë. Së fundmi kam kontribuar dhe kam marrë pjesë në hartimin e projekt-ligjit për statusin e jetimit, i cili do të kalojë shumë shpejt për shqyrtim në Kuvend, më pas për miratim.”

Pas një seance rreth 20 minuta, përfaqësuesit e institucioneve publike dhe jopublike vlerësuan me pik kandidatët që kishin shprehur interesin për 2 vende vakante.

“Të konsideroj të votuar nga mbledhja e datës 12.10.2021 të gjithë kandidatët që vijnë nga institucionet publike të arsimit të lartë, të ripërsëris plotësisht procesin e votimit për kandidatët që vijnë nga institucionet jopublike të arsimit të lartë.”

Po ashtu rektori Hoxha paraqiti dhe rezultatin e kryqëzuar të renditjes së pikëve.