Eric Wendt, i nominuari i presidentit Donald Trump për Ambasador të SHBA-së në Shqipëri, do të paraqitet nesër para Komitetit të Jashtëm të Senatit Amerikan. Seanca është caktuar të zhvillohet në ora 10:00, në ambientet e Senatit (SD-419), ku Wendt do të japë dëshminë e tij dhe do t’u përgjigjet pyetjeve të senatorëve lidhur me përvojën dhe prioritetet diplomatike.
Wendt vjen me një karrierë të gjatë ushtarake prej mbi 34 vitesh në ushtrinë amerikane. Aktualisht shërben si Profesor i Praktikës në Naval Postgraduate School (NPS), duke dhënë mësim në fushën e Komandës dhe Lidershipit.
Gjatë shërbimit të tij aktiv si gjeneral me tre yje, Wendt ka qenë i dislokuar në Evropë dhe ka komanduar Selinë e Operacioneve Speciale të NATO-s, duke mbikëqyrur të gjitha Forcat e Operacioneve Speciale të NATO-s, përfshirë njësitë shqiptare. Ai ka bashkëpunuar ngushtë me drejtues të mbrojtjes dhe efektivë ushtarakë shqiptarë.
Po ashtu, Wendt ka shërbyer për një vit në Afganistan si Zëvendëskomandant Rajonal, duke mbikëqyrur edhe trupat e dislokuara nga Shqipëria.
Ky emërim thekson fokusin e SHBA-së në forcimin e lidhjeve strategjike me Shqipërinë dhe bashkëpunimin në fushën e sigurisë dhe mbrojtjes.
gijotina.com/
Discussion about this post