Sot po mbahet seanca dëgjimore me kandidatët për kreun e Avokatit të Popullit.
Kandidati Artur Jakupi tha se AP është një institucion që ka një kontribut të rëndësishëm në shoqërinë shqiptare dhe është një punë që kërkon pasion. Sakaq u shpreh edhe për një bashkëpunim të ngushtë me Parlamentin.
“Unë besoj fort se ky është një institucion që ka një kontribut të rëndsishëm në shoqërinë shqptare. Është një punë që kërkon pasion. Është një institucion që është ngritur, konsoliduar. Do të ngulmojmë që nga konsolidimi të kthehet në imazh të pavarur kushtetues që mbron të drejtat. Kandidoj se e njoh thelbësisht këtë institucion. E njoh diagnozën dhe jam i gatshëm të jap edhe kurimin. Avokati i popullit ka arritur disa standarde.
Vizioni parësor është që AP të shikohet, të përceptohet si një shkollë e hapur e kulturës për të drejtat e njëriut, për publikun ku do të gjej informacion, e shikoj si një kontributor që qënësishëm si një oponence për mirëqeverisjen, dhe për konsolidimin e së drejtës së shtetit këtu.
Së pari AP nuk e shoh si një institucion formal por të hapur për komunkimin me qyetarët. Të shkojmë sa më afer me qytetarin, ta ndiejë nga afër këtë institucion” u shpreh ai, teksa paraqiste platformën e tij.
Discussion about this post