Vetëm pak ditë pasi Sali Berisha dhe Ilir Meta ishin në Elbasan dhe festuan 32 vjetorin e krijimit të Partisë Demokratike në këtë qytet, ka qënë radha e” grupimit” të Alibeajt për të zbritur në terren.
Alibeaj organizoi një festë ku ishin të pranishëm edhe deputetët e zgjedhur të Partisë Demokratike të cilët bojkotuan pak ditë më parë Berishën. Në sallë janë parë Gazmend Bardhi, Zheni Gjergji e Lefter Gështenja. Ndërkaq, Dashnor Sula ka njoftuar mungesën për shkaqe shëndetësore dhe Flutura Açka për shkak të një udhëtimi jashtë vendit.
Teksa u pyet për kandidatin e Partisë Demokratike për bashkinë e Elbasanit, Alibeaj tha për mediat se qëllimi ishte që të arrihej në një dakordësi për një kandidat që do kishte mbështetjen e të gjithë demokratëve. Sipas tij, duhen bërë sondazhe me qytetarët dhe të merret mendimi i selisë lokale për të caktuar një kandidat që përfaqëson të gjitha rrymat dhe jo një kandidat të njëanshëm i cili nuk siguron dot fitoren. Alibeaj tha se do të merret mendimi i strukturave dhe më pas në Kryesi dhe Kolegjin e Kryetarëve do të miratohet kandidatura për Bashkinë e Elbasanit.
Nënkryetari dhe deputeti i Partisë Demokratike, Luçiano Boçi është kandidati i dalë nga primaret e PD-së për bashkinë e Elbasanit.
Me zyrtarizimin si kandidat i PD-së për Elbasanin në zgjedhjet vendore të 14 majit, Luçiano Boçi do të duhet të japë dorëheqjen si deputet. Por, kjo kandidaturë nu ka ka gjetur ende mbështetjen e grupit të Alibeajt.
Discussion about this post