Nënkryetari i Partisë së Lirisë, Petrit Vasili ka denoncuar Partinë Socialiste se ka vendosur si kandidat në Kuçovë, “një kandidat me probleme shumë të rënda me ligjin e dekriminalizimit”.
“Sikur te mos mjaftonin dhjetëra kryetarë bashkie të larguar për rekorde kriminale nga viti 2019 deri me sot, kur u vendos monizmi ne pushtetin lokal, Edi Rama i inkriminuar njëlloj si përfaqësuesit e tij ne pushtet lokal, ka regjistruar ne Komisionin Qendror te Zgjedhjeve kandidatin Kreshnik Hajdari, si kandidat për kryetar të bashkisë së Kuçovës”, tha Vasili në një deklaratë për mediat.
Vasili tha se “nga dita e sotme Kreshnik Hajdari duhet të përjashtohet nga kandidimi për zgjedhjet e 14 Majit 2023”.
“Do të kërkojmë gjithashtu marrjen e tij të pandehur, moskandidimin dhe humbjen e menjëhershme te mandatit aktual si kryetar bashkie i Kuçovës, për konsumimin e veprës penale te falsifikimit te vulave, stampave dhe formularëve”.
Deklarata e plotë e nënkryetarit të Partisë së Lirisë, Petrit Vasili
Edi Rama tashmë i identifikuar me njerëz me rekorde kriminale nga me te zezat, sot u ka vënë si kandidat qytetarëve të nderuar dhe punëtorë te Kuçovës, një kandidat me probleme shumë të rënda me ligjin e dekriminalizimit.
Sikur të mos mjaftonin dhjetëra kryetare bashkie të larguar për rekorde kriminale nga viti 2019 deri më sot, kur u vendos monizmi në pushtetin lokal, Edi Rama i inkriminuar njëlloj si përfaqësuesit e tij ne pushtet lokal, ka regjistruar ne Komisionin Qendror te Zgjedhjeve kandidatin Kreshnik Hajdari, si kandidat për kryetar te bashkisë së Kuçovës.
Ky kandidat është një kandidat që është hetuar, gjykuar dhe dënuar ne Greqi për kalim te paligjshëm te kufirit, sëbashku me një grup qytetaresh shqiptare te tjerë.
Gjykata e Janines ka dhënë vendimin e saj me numër 3286, me date 23-6-1999, për dënimin e Kreshik Hajdarit.
Por, edhe pse ligji i dekriminalizimit është shumë i prerë për detyrimin nga çdo kandidat që të deklarojë vendimet gjyqësore të formës së prerë nga autoritete te huaja, kandidati i Edi Ramës për Kuçovën e ka fshehur këtë dënim.
Pra, nga dita e sotme Kreshnik Hajdari duhet të përjashtohet nga kandidimi, pra s’mund të jetë më kandidat për të konkuruar në zgjedhjet e 14 Majit 2023.
Ne do të kërkojmë që Komisionieri Shteteror i Zgjedhjeve dhe Prokuroria e Përgjithshme bazuar në praktikën e konsoliduar për te tilla raste, ku sipas të cilës, janë larguar nga detyra 7 deputetë, 57 kandidatë për deputetë, mbi 80 zyrtarë bashkiake, si dhe 150 zyrtarë dhe drejtues te institucioneve të tjera objekt i ligjit, të kryejnë verifikimin e gjendjes gjyqësore te kandidatit Kreshnik Hajdari në shtetin fqinj Greqi.
Ky verifikim duhet të kryhet me urgjence për të penguar që ky kandidat të pengohet për të marrë pjesë në zgjedhjet e 14 Majit për arsye se është në shkelje flagrante te ligjit te dekriminalizimit.
Do të kërkojmë gjithashtu marrjen e tij të pandehur, moskandidimin dhe humbjen e menjëherë të mandatit aktual si kryetar bashkie i Kuçovës, për konsumimin e veprës penale te falsifikimit te vulave, stampave dhe formularëve.
Pasi, ka fshehur dënimin e marrë dhe rrjedhimisht ai është në të njëjtat kushte ligjore identike si Agim Kajmaku, ish kryetari i bashkisë Vorë.
Discussion about this post