Kandidati për kreun e PD, përballë ish kryeministrit Sali Berisha, Ibsez Elezi i është drejtuar me dy kërkesa zyrtare Komisionit të Rithemelimit ku i kërkon shtyrjen e zgjedhjeve dhe përjashtimin e Albana Vokshit dhe Eno Bozdos nga Komisioni për organizmin e zgjedhjeve.
Në kërkesën e parë, Elezi akuzon disa nga anëtarët e Komisionit të Rithemelimit se kanë manipuluar votat, ku kërkon largimin nga Komisioni i Organizimit dhe Kontrollit Elektoral të kryetares aktuale Albana Vokshi dhe anëtarit Eno Bozdo si persona te implikuar në manipulimin e votave.
Në kërkesën e dytë, Elezi kërkon shtyrjen e datës së zgjedhjeve me një afat kohor të paktën 14 ditor dhe anulimin e tyre më datë 25 maj.
“Duke marrë shkas nga vonesat e pakuptimta në organizmin takimeve elektorale të kandidatëve me anëtarësinë sipas degëve të PDSH, si dhe afati i shkurtër 10 ditor i mbetur në dispozicion, e vlerësojmë si të pamundur realizimin i rreth 72 takime me të gjithë strukturën, duke shpresuar edhe në mirëkuptimin e kandidatit rival Z.Sali Berisha, i cili në themel të premtimeve të tij ka pasur rikthimin e demokracisë, kërkoj: Shtyrjen e datës së zgjedhjeve me një afat kohor të paktën 14 ditor”, është shprehu ai.
Kujtojmë se Ibsen Elezi, ish kryetar i degës së PD në Kukës, është kundërshtari i vetëm i ish kryeministrit Sali Berisha për kreun e PD.
Discussion about this post