Intervista e para disa muajve, ku ish-futbollisti i Tottenham dhe Besiktas Dele Alli rrëfeu fëmijërinë e trazuar si dhe problemet psikologjike që i kushtëzuan vitet e para të jetës, bëri që shumë nga kolegët e tij, të solidarizohen me të, për faktin që pati kurajë të bëjë publike, tmerret e kaluara gjatë fëmijërisë.
I fundit, në rend kohor, që ka mbështetur futbollistin, është ish-shoku i tij i skuadrës te Spurs, Harry Kane. Duke folur në konferencën për shtyp, në prag të duelit me Ukrainën, sulmuesi i bayernit deklaroi se Alli është treguar guximtar si dhe shpreson që ai të rikthehet në rrugën e duhur në karrierën e tij.
“Mendoj se ishte jashtëzakonisht i guximshëm. Nuk e dija se në çfarë mase kishte kaluar. Më hapën sytë. Më pas i dërgova mesazh për t’i thënë se sa të dobishme do të jenë komentet e tij për të tjerët. Shpresoj vërtet që ai të kthehet në rrugën e duhur në karrierën e tij dhe ai ka kohë për ta bërë atë.”
Discussion about this post