Real Madrid e ka të qartë se proceset e rinovimit nuk po shkojnë siç pritej. Të paktën një prej tyre. Dyshimet e disa lojtarëve kanë bërë që bordi drejtues i kryesuar nga Florentino Pérez të fillojë të kërkojë zëvendësues për sezonin e ardhshëm.
Florentino Pérez ka ende hapësirë për të vepruar në tregun e transferimeve këtë verë. Edhe pse në Santiago Bernabéu mendonin se Karim Benzema ashtu edhe Marco Asensio do të vazhdonin për sezonet e ardhshme, realiteti nuk duket të jetë në përputhje me këtë ide. Largimi i Marcos si lojtar i lirë duket se është i pashmangshëm por ka ende kohë për të zgjidhur situatën e Karim Benzema.
Dyshimet që ekzistojnë në lidhje me vazhdimësinë e yllit francez, mund të bëjnë që Florentino Pérez të detyrohet të blejë dy lojtarë më shumë se sa pritej për tregun e transferimeve në verën e vitit 2023. Edhe pse inkorporimi i Jude Bellingham ishte planifikuar dhe supozuar tashmë për fundin e sezonit 22/23, largimet e mundshme të Asensio dhe Benzema kanë vendosur dy emra shtesë në listën e të ardhmes së klubit të bardhë.
Harry Kane dhe Samuel Chukwueze do të jenë ata që zgjidhen nga bordi i drejtorëve për të zëvendësuar përkatësisht Karim Benzema dhe Marco Asensio. Nënshkrimi i 24-vjeçarit nigerian duket se është bërë temë në Real Madrid që nga humbja në Santiago Bernabéu kundër Villarrealit, ,e paraqitjen e tij, që bëri të shtoheshin zërat për një largim të fantazistit nga qyteza në lindje të Spanjës.
Situata e Benzema është më e komplikuar. Ofertat e reja nga Arabia Saudite janë ende shumë joshëse dhe sezoni 22/23 i sulmuesit francez ka pasur ulje-ngritje të dukshme. Pavarësisht se ai ka një rinovim automatik për shkak të fitores së tij në Topin e Artë sezonin e kaluar, paratë nga Arabia Saudite mund të jenë më tërheqëse për kapitenin.
Sido që të jetë, Real Madridi nuk është i gatshëm të shpenzojë më shumë se 80 milionë euro për të dy lojtarët. Kufiri maksimal, në vijim të politikës së tyre të transferimeve, që ata kanë vendosur për nënshkrimin e Harry Kane është 60 milionë euro, shifër që do të zvogëlohej përgjysmë në rastin e Samu Chukwueze: përveç të qenit një anësor i ri pa shumë vëmendje ndërkombëtare, kontrata e tij përfundon në verën e vitit 2024 , kështu që Villarreal do të jetë nën presion për të negociuar nëse kërkon të bëjë para me shitjen e lojtarit kryesorë.
Discussion about this post