Kryeministrja serbe Ana Brnabiç, protestat e shqiptarëve kundër “Open Balkan” i ka cilësuar si frikë nga një iniciativë si kjo, pasi sipas saj rrezikon t’u tregojë dobësitë e tyre. Ajo ka treguar se takimi i Vuçiç në Tiranë ka vijuar normalisht, ndonëse paralelisht po zhvillohej protesta kundër vizitës së tij.
“Kam folur me presidentin dhe më konfirmoi se gjithçka ishte në rregull. Ai ka gjithë mbështetjen nga Beogradi. Si kudo në rajon edhe në Tiranë disa njerëz nuk mund të imagjinojnë një të ardhme ndryshe. Aleksandër Vuçiç është vizionar dhe ka parë një të ardhme tjetër për të pasur një lëvizje të lirë”, ka thënë më tej Brnabiç.
Ditën e djeshme presidenti serb Aleksandar Vuçiç, kryeministri i Maqedonisë Zoan Zaev u pritën nga Edi Rama në kuadër të diskutimeve për nismën “Open Balkan”. Ndërkohë ish-kryedemokrati Sali Berisha zhvilloi një protestë që kishte në fokus kundërshtimin e kësaj aleance mes vendeve.
Discussion about this post