Sulmuesi Harry Kane ka dhënë një intervistë për median gjermane “Bild” ku ka folur për kalimin tek Bayerni i Mynihut. Ai është shprehur se tek bavarezët ka shumë presion ndërsa një gjë e tillë nuk ndodhte tek Tottenhami.
“Është padyshim një presion i ndryshëm nga ai që ndjeva tek Tottenham. Natyrisht ne donim të fitonim gjithçka edhe te “Spursat”, por nëse nuk fitonim disa ndeshje nuk iste një katastrofë.
Te Bayern ke ndjenjën se duhet të fitosh çdo ndeshje. Dy ndeshjet e para i fituam 4-0 dhe 3-1 dhe megjithatë u tha se njerëzit nuk ishin shumë të kënaqur me mënyrën se si luajtëm. Kjo ndodh për shkak se je në një nga klubet më të mëdha në botë”, deklaroi anglezi.
Me siguri, kjo deklaratë, nuk do t’i pëlqejë, bosit të londinezëve Daniel Levy.
Discussion about this post