Harry Kane dëshiron të veshë uniformën e Manchester United. Dhe ai shpreson se së shpejti do të arrijë të luajë në “Teatrin e Ëndrrave”. Megjithatë, që kjo të ndodhë, duhet që Tottenham Hotspur fillimisht të ulë kërkesat e tij financiare.
Sipas “Daily Mail”, interesi i Mançesterit “ngriu” pasi dëgjoi se Tottenham kërkonte 100.000.000 £ (rreth 116 milionë euro) për të lejuar largimin e sulmuesit ndërkombëtar, duke i bërë ata të kthenin vëmendjen te Rasmus Heilund i Atalantës. Arsyeja, ndër të tjera, është se United nuk dëshiron të shpenzojë kaq shumë para për një sulmues 30-vjeçar, të cilit i ka mbetur vetëm një vit nga kontrata.
Pavarësisht kësaj, Kane ende shpreson se në një moment do të ketë një qasje të re. Sipas të njëjtit publikim, nëse Tottenham vendos që çmimi i yllit të tyre të ulet në 80 milionë paund (rreth 93 milionë euro), atëherë negociatat mund të fillojnë sërish.
Kujtohet se pak ditë më parë u bë e ditur se Reali është i gatshëm të paguajë 120 milionë euro për hir të Kane, me Kai Havertz që gjithsesi mbetet objektivi i tyre i parë. Në të njëjtën kohë, edhe Chelsea ka shfaqur interes për Kane, por është e dyshimtë se golashënuesi i dytë më i mirë në historinë e kombëtares angleze është i interesuar të kalojë në një tjetër klub londinez.
Discussion about this post