Gazmend Merkaj, është arrestuar sërish nga policia e Vlorës, pasi këtë radhë tentoi të vriste vëllain e tij. Kanë qënë informacionet që efektivët mësuan se në lagjen ’24 maj’,brenda banesës së familjes Merkaj, 39-vjeçari tentoi të qëllonte me hanxhar vëllain e tij. I riu u arrestua nën akuzën e veprës penale “Dhuna në familje”.
NJOFTIMI I POLICISE:
Policia e Vlorës parandalon një ngjarje kriminale në familje, ndërhyrja në kohë dhe me profesionalizëm e shërbimeve të Policisë parandaloi përshkallëzimin e mëtejshëm të ngjarjes.Kanosi me mjet prerës vëllanë e tij, vihet në pranga 39-vjeçari.Sekuestrohet një mjet prerës (hanxhar).Shërbimet e Komisariatit të Policisë Vlorë, pas njoftimit se në lagjen “24 Maji”, në ambientet e banesës, shtetasi G. M. kishte ushtruar dhunë fizike dhe po kanoste me mjet prerës (hanxhar) vëllanë e tij, menjëherë kanë shkuar në adresën e dhënë, duke parandaluar përshkallëzimin e mëtejshëm të dhunës dhe ngjarjen e mundshme. Punonjësit e Policisë së Patrullës së Përgjithshme kanë bërë të mundur neutralizimin dhe prangosjen e shtetasit G. M., në banesë.Në përfundim të veprimeve, nga specialistët për Hetimin e Krimeve në Komisariatin e Policisë Vlorë u bë arrestimi në flagrancë i shtetasit G. M., 39 vjeç, banues në Vlorë.Materialet procedurale i kaluan Prokurorisë pranë Gjykatës së Shkallës së Parë Vlorë, për veprën penale “Dhuna në familje”.
