Sërish e gjithë vëmendja tek Kim dhe Kanye. Edhe pse Kanye po përballet me një lum kritikash lidhur me deklaratat e tij së fundmi por edhe për bluzën “White Lives Matter”, ai gjeti sërish kohë për të folur pak për Kim Kardashian.
Gjatë një interviste me Piers Morgan, reperi ka zbuluar se do ta dojë dhe do ta mbrojë gjithë jetën Kim Kardashian.
“Unë do ta dua atë për gjithë jetën. Çuditërisht do ta mbroj. Mund të jem i divorcuar në letër, por nuk jam i divorcuar nga ideja e të qenit mbrojtës”, tha ai. Jo vetëm kaq por me shumë nostalgji, ai ka kujtuar edhe pseudonimin që dyshja kishin më parë “Kimye”.
“Mbiemri i saj tani nuk është më West. Emri im tani është thjesht Ye. Nëse do të ishim përsëri bashkë, çfarë do të ishim, Kimye?”- vijoi ai.
Kanye West po heq dorë nga markat që ndërpresin lidhjet me të dhe këmbëngul se ai nuk mund të anulohet, madje ai thotë se kjo vetëm dëshmon komentet e rrezikshme antisemite që ai ka hedhur.
Miliarderi mbajti një konferencë për shtyp, duke lënë lojën e basketbollit të vajzës së tij North West të premten mbrëma. Ai u ndal për të marrë pyetje nga turma e paparacëve.
Menjëherë, Ye iu kundërpërgjigj Balenciaga-s duke thënë se fakti se ata i ndërprenë bashkëpunimet me të, nuk ishte gjë e madhe, sepse sipas reperit ata nuk po i paguanin asgjë. Në fakt, ai e hodhi poshtë lëvizjen e gjigantit të modës si PR, duke thënë: “Unë mendoj se njerëzit thjesht përpiqen të fitojnë pikë” – dhe ai mendon se Balenciaga, LeBron James , Maverick Carter dhe prezantuesi i “Drink Champs” janë të gjithë fajtorë për atë.
Discussion about this post