Lançimi i linjës “Elizabeth”, më e reja që i shtohet sistemit të metrosë në Londër, është shoqëruar me kaos dhe frikë në radhët e pasagjerëve. Pak pas inaugurimit nga kryebashkiaku i Londrës, Sadiq Khan, pasagjerët që prisnin prej mesnatës për të përdorur shërbimin e metrosë shihen teksa vrapojnë të shqetësuar.
Mediat britanike raportojnë se lëvizja në linjën “Elizabeth” u pezullua pas një alarmi për zjarr në stacionin më të madh të kryeqytetit “Paddington”, vetëm dy orë pas hapjes së saj zyrtare.
Nga ana tjetër siç shikohet edhe nga pamjet e postuara në rrjetet sociale, shihet një ekip zjarrfikësish duke mbërritur në stacionin Paddington, ndërsa linja ishte pezulluar midis Paddington dhe Tottenham Court Road.
Së fundmi, një gazetar i BBC-së nga vendngjarja ka raportuar lidhur me situatën e alarmuar që është krijuar në aeroport dhe ka thënë se besohet që alarmi për zjarr, i cili shkaktoi kaos ka qenë i rremë.
Discussion about this post