Kaos dhe rrëmujë në Kuvend, opozita përmbys karriget në sallë

Deputetët e opozitës përsërisin përsëri skenarin e javës së kaluar në Kuven

Deputetët e opozitës kanë bllokuar me karrigen foltoren e sallës së seancave plenare të Parlamentit, duke bllokuar sërish seancën.

Por kësaj radhe, demokratët nuk kanë marrë vetëm karriget e socialistëve, por edhe ato të opozitës.

Sali Berisha ndërkohë po flet live në Facebook nga salla e Kuvendit

“Nëse nuk dëgjoni, zhurmë mos bëni. Mbështesni kreun e një organizate kriminale. Ekziston vetëm Rama që ju shpërnda llokma, që vidhni tenderë, ndaj mos bëni zhurmë dëgjoni. Kambanat bien për ju.

Kjo është situata në Parlament, me të drejta kushtetuese të mohuara për opozitën”, tha Berisha.

Ndërkohë, punonjësit e gardës janë në sallën e Kuvendit në gatishmëri.