Për të dytën ditë është situate në pikën kufitare të Hanit të Hontit është problematike. Shkak është ashpërsimi I masave pas përhapjes së Covid-19. Punëtorëve ditore nuk u njihen testet anti covid e një pjese as pasaporta e vaksinave. Prej orës 05:00 të mëngjesit ata ndodhen në këtë doganë dhe situata mbetet problematike.
“Unë jam banor nga Shkodra, kam ardhur dje në doganë dhe më kanë kërkuar 20 euro që të kaloja. Kam bërë testin në Shkodër, më thonë që nuk është i rregullt. Na kanë sjellë drejtorin e policisë të na bëjë presion, na kanë sjellë policinë. Ne vijmë për bukë goje këtu. Unë 20 euro marr, si t’i paguaj për të kaluar në Mal të Zi? Dje kemi qenë 100 persona me teste të rregullta, të gjithëve na kanë kthyer. Duan teste amerikane, sot e bëra amerikan më kanë kthyer sërish”, shprehet një nga qytetarët e bllokuar në pikën kufitare.
Edhe gjatë ditës së djeshme për shkak të këtyre problematikave qytetarët që nuk kanë paguar për të ribërë testin në pikën kufitare nuk janë lejuar të kalojnë. E njëjta situatë paraqitet edhe në pikat e kalimit kufitar me Greqinë, e cila nuk njeh testet e bëra në Shqipëri, por as pasaportat e vaksinimit, kryesisht vaksinën kinezë dhe ruse. Greqia aplikon testet e shpejta në kufi, falas për të gjithë ata që duan të kalojnë. Ashpërsimi i masave ka sjellë kaos edhe në pikat e kalimit kufitar me Kosovën, ku janë krijuar radhë të gjata në pikat doganore.
