Protestat në Kazakistan vijojnë ende, teksa vendi përfshihet nga kaosi dhe tranzirat si pasojë e akteve të protestuesve. Kjo është dita e pestë e protestave, ku situata ka përshkallëzuar deri në vrasjen e zyrtarëve. Zyra e komandantit në Almaty raportoi se 13 oficerë të zbatimit të ligjit u vranë në trazirat. Dy prej tyre u gjetën me kokë të prerë. Pak kohë më parë, pati përleshje mes protestuesve kazakistan dhe zyrtarëve të sigurisë. Në sheshin kryesor të qytetit, u zhvillua një përleshje intensive e zjarrit, nga një operacion për të “pastruar” territorin nga nxitësit e trazirave, ose, siç i quajti kreu i Kazakistanit, Kassym-Zhomart Tokayev një ditë më parë, nga terroristët.
Në shesh u mblodhën dhjetëra persona, madje agresiv edhe ndaj gazetarëve. Për t’i dëbuar nga sheshi, rreth 300 ushtarakë mbërritën me një APC, të pajisur me kamuflazh jeshil dhe maska. Si pasojë e përleshjes, filluan të shtënat, ndërsa dhjetra njerëz vdiqën. Në total, më shumë se 1000 qytetarë u plagosën në trazirat në Kazakistan, pothuajse 400 prej tyre u shtruan në spital. Në të njëjtën kohë, 62 persona janë në terapi intensive. Më herët, Ministria e Punëve të Brendshme të republikës raportoi për tetë të vdekur dhe 300 të plagosur oficerë të rendit.
Discussion about this post