Sistemi i kontrollit automatik të pasaportave, që u vendos në terminalin e ri në aeroportin “Nënë Tereza” prej korrikut të vitit të kaluar, mbrëmjen e djeshme ka dalë jashtë funksionit, duke shkaktuar kaos për pasagjerët.
Problemi me këtë sistem ka krijuar radhë të gjata të qytetarëve, të cilët janë detyruar të bëjnë kontrollin manual të pasaportave, në kabinat përkatëse ku janë vendosur oficerët e Kufirit në Rinas.
Nuk ka ende një njoftim zyrtar nga TIA për ndonjë defekt të mundshëm në sistemin teknologjik të leximit të pasaportave, i cili duhet theksuar se ka lehtësuar fluksin e hyrjeve në aeropot dhe përfitues të këtij shërbimi janë mbajtësit e pasaportës shqiptare, qytetarët e BE-së, SHBA-ve, Britanisë së Madhe dhe Kanadasë.
Discussion about this post