Prej disa orësh aeroporti “Nënë” Tereza është përfshirë nga kaosi dhe rrëmuja. Mësohet se problemet dhe vonesat në sportelet e kontrollit kanë sjellë vonesa dhe radhë të gjata pasagjerësh. Për këtë arsye shumë prej pasagjerëve shprehen se kanë humbur fluturimet, ndërsa të tjerë thonë se presin me orë të tëra në korridore me fëmijë të vegjël dhe udhëtimet vazhdojnë të shtyhen.
Sikur duket edhe nga video, grumbuj njerëzish ndodhen në ambientet e aeroportit, tashmë të sfilitur dhe të irrituar nga orët e gjatë të pritjeve. Më keq akoma, bëhet fakti se askush nuk iu ka dhënë një shpjegim.
Ashtu sikur Gijotina.com denoncoi pak ditë më parë shkak për këtë duket se është bërë mungesa e kapaciteteve në aeroportin e Rinasit për të pritur fluks kaq të gjatë udhëtarësh. Edhe pse me ardhjen e Kastratit si koncesionar që do të menaxhojë punimet ne aeroport, u premtua se do të përmirësohet shërbimi dhe do të ulen çmimit, ka ndodhur e kundërta.
Nuk dimë akoma dhe për sa do të zgjasë kjo situatë, por pasagjerët kanë pësuar humbje të mëdha financiare, pasi shumë prej tyre kanë humbur punët.
Discussion about this post