Teksa Ukraina rrethohet nga paniku i pushtimit të mundshëm rus dhe alarmi i amplifikuar i mediave, mësohet së fundmi se rrjeti i saj i strehimeve nëntokësore të emergjencës është me dyer të kycura, madje një prej tyre ishte kthyer një klub striptizmi.
Autoritetet në kryeqytetin Kiev kanë publikuar hartën e mijëra strehimeve të shpërndara në të gjithë vendin ku miliona njerëz mund të mbrohen në rast lufte.
Por shumë bunkerë në adresat e kontrolluara ditën e dieshme ishin me dyer çeliku të kyçura, bëhet me dije nga mediat e huaja.
Një prej adresave në qendër të qytetit ishte kthyer në një “Klub Xhentëllmenësh” ku një grua e shkurtër mirëpriste klientët duke i sugjeruar të “vizitojnë striptistet” në brendësi të klubit.
Ndërkaq, kur u pyet për çështjen e strehimit të emergjencës, menaxheri i klubit ka thënë duke qeshur se “mund të strehoheni bashkë me vajzat, nëse paguani 100 eurot e hyrjes”.
Nga ana tjetër, harta dixhitale e strehimeve u publikua nga kryebashkiaku i Kyev, Vitali Klitschko.
Një banor i një tjetër pallati apartamentesh që listohej si strehim emergjence, tha: “Është hera e parë që po dëgjoj se ka një strehim bombardimi në bodrum”.
“Nuk e di si mund të hyet aty, dera është gjithmonë e mbyllur me dryn”.
Së fundmi, zhvillimi vjen teksa gra e burra të moshuar po mobilizohen në Ukrainë për të “luftuar” ushtrinë e Putin, duke u stërvitur me pushkë druri.
