Ashtu sikur kishin lajmëruar pak javë më parë, transporti publik në kryeqytet ka përgjysmuar numrin e autobusëve, duke krijuar kaos nëpër stacione. Burime bëjnë me dije se, një numër i madh njerëzish kanë mbetur ditën e sotme në stacione duke pritur autobusin, gjë e cila ka krijuar situatë të rrëmujshme dhe shqetësuese për qytetarët.
Sipas të dhënave transporti publik sot nuk është në funksion të plotë prej rritjes së çmimit të naftës. Ndërkohë, pritet që ‘Unioni i Transportit’ të jetë në kthesën e Kamzës në një deklaratë publike për të dhënë informacione çdo të ndodh në vazhdimësi.
Sakaq, kujtojmë se shpesh herë ata kanë paralajmëruar se nuk mund të përballojnë çmimin e naftës që ka arritur në vlera rekord në vendin tonë dhe prandaj po pezullojnë punën.
Discussion about this post