31 gushti është afati i fundit që ushtria amerikane të evakuojë afganët nga Kabuli. Megjithatë në fokus ditët e fundit do të jenë largimet e amerikanëve dhe mjeteve ushtarake.
Gjenerali William Taylor u tha gazetarëve se më shumë se 10.000 njerëz janë aktualisht në aeroportin e Kabulit duke pritur të largohen nga Afganistani. Në 24 orët e fundit, 90 avionë ushtarakë amerikanë por edhe fluturime të tjera kanë evakuuar më shumë se 19,000 njerëz.
Gjithsej rreth 88,000 njerëz janë evakuuar deri më tani. Një aeroplan niset çdo 39 minuta. Zëdhënësi i Pentagonit John Kirby tha sot se në aeroport janë 5400 trupa amerikane.
