Sundimi i talebanëve në Afganistan së fundmi ka shkaktuar kaos jo vetëm tek afganët por edhe te vendet e tjera të Evropës e më gjerë teksa çështja në fjalë ka tronditur gjithë opinionin publik.
Por ajo çka shfaqet më shqetësuese është se me marrjen në dorë të pushtetit talibanët premtuan amnisti, por ky premtim u hodh poshtë vetëm pak kohë më parë ku këta të fundit filluan masakrën ndaj fëmijë, burrave, grave afganë.
Çka detyruan këta të fundit të evakuohen me marrëveshje në vendet e tjera. Sakaq, së fundmi Shtetet e Bashkuara dhe vendet e tjera perëndimore po i paralajmërojnë qytetarët e tyre që të largohen menjëherë nga zonat përreth aeroportit të Kabulit, për shkak të kërcënimeve për një sulm terrorist.
Mijëra njerëz janë ende duke pritur brenda dhe jashtë aeroportit, me shpresën se do të mund të largohen. Ambasada e Shteteve të Bashkuara në Kabul i këshilloi qytetarët amerikanë që të shmangin udhëtimin në aeroport dhe tha se ata që tashmë janë në portat e tij, duhet të largohen menjëherë, për shkak të “kërcënimeve të sigurisë”. Zyra e Jashtme britanike lëshoi një këshillë të ngjashme, duke u thënë njerëzve pranë aeroportit që “të largohen në një vend të sigurt”. Ajo tha se ekziston një “kërcënim i vazhdueshëm dhe i lartë i sulmit terrorist”.
Australia gjithashtu u bëri thirrje qytetarëve të saj dhe atyre me viza për në Australi që të largohen nga zona, duke thënë se ekziston një “kërcënim shumë i lartë për sulm terrorist”.
Më shumë se 82,000 njerëz janë nxjerrë tashmë me aeroplanë nga Kabuli, i cili ka rënë në duart e talibanëve më 15 gusht. Vendet po nxitojnë t’i evakuojnë njerëzit deri në afatin e 31 gushtit
Presidenti i Shteteve të Bashkuara, Joe Biden, ka caktuar 31 gushtin si afat për përfundimin e evakuimit të njerëzve dhe të tërheqjes së trupave amerikane, që ruajnë aeroportin. Biden ka përmendur kërcënimet terroriste nga dega rajonale e grupit militant Shteti Islamik si arsye për mbajtjen e këtij afati.
